أسئلة شائعة عن سكن العمّال
أكثر الأسئلة اللي تجينا، وإجاباتها باختصار.
مَن تلزمه رخصة السكن الجماعي؟
كل منشأة عندها 20 عاملاً أو أكثر، ويكون سكنها المرخّص على قدر عدد عمّالها المسجّلين في قوى.
وش يصير لو السكن غير مرخّص؟
بلدي مربوطة بقوى، فتتوقف خدمات المنشأة في قوى مثل التأشيرات ونقل الخدمات، وقد يُعلَّق السجل التجاري.
نصرف بدل سكن لعمّالنا، هل يكفي؟
لا. بدل السكن لا يُعفي المنشأة من شرط السكن المرخّص.
وش أحتاج عشان أطلب سكن؟
المدينة، وعدد العمّال، ومتى تبي تبدأ، ورقم جوالك. وبعدها نطلب بيانات المنشأة لإصدار شهادة إثبات السكن.
هل النقل والإعاشة ضمن الخدمة؟
تختار اللي تحتاجه مع طلب السكن: النقل، والإعاشة، وإدارة السكن.
في أي مدن تشتغلون؟
الرياض والخبر والدمام.
كيف تُحسب الطاقة الاستيعابية؟
من المساحات لا من عدد الأسرّة: 4 م² لكل شخص في غرفة النوم، وبحدّ أقصى 10 أشخاص للغرفة، ودورة مياه لكل 8 أشخاص.
كم مدة رخصة السكن الجماعي؟
سنة، وتُجدَّد.
وش الفرق بين الرخصة وشهادة إثبات السكن؟
الرخصة باسم مالك المبنى أو مستأجره كاملاً، وتثبت أن العقار مرخّص. أما الشهادة فتصدرها المنشأة التي تستأجر وحدات داخل عقار مرخّص.
هل أقدر أرخّص دوراً واحداً من المبنى؟
لا. ما تصدر رخصة لجزء من مبنى، ولازم يستوفي المبنى أو المجمّع الاشتراطات كاملة.
هل يختلف الترخيص في المدن الصناعية؟
نعم. داخل المدن الصناعية التابعة لـ«مدن» أو للهيئة الملكية يتبع السكن مسار تلك الجهة بدل بلدي.
كم التكلفة؟
تختلف حسب المدينة وعدد العمّال والخدمات ومدة العقد. أرسل طلبك ونرسل لك عرضاً واضحاً.
عندي عمارة، أقدر أشتغل معكم؟
أكيد. نحسب كم عامل تستوعب نظاماً، ونجهّزها للترخيص، ونشغّلها عنك، ونجيب لها شركات تسكّن فيها عمّالها.
جاهزين متى ما كنت جاهز
عطنا التفاصيل، ونرجع لك بخيار يناسب طاقمك.